दिल्लीत भीक मागण्यासाठी मुंबईतून लहान मुलांची चोरी.सीसीटीव्ही फुटेजमुळे अखेर महिलेला अटक….

दिल्लीत भीक मागण्यासाठी मुंबईतून लहान मुलांची चोरी.सीसीटीव्ही फुटेजमुळे अखेर महिलेला अटक

मुंबई:- मुंबईच्या बोरिवली जीआरपी पोलिसांनी एका महिलेला अटक केली आहे. तर तिचा अल्पवयीन मुलगा आणि मुलगी यांना ताब्यात घेतलं आहे, जे रेल्वे स्टेशनवरून मुलं चोरून त्यांना भीक मागायला लावत होते. 8 सप्टेंबर रोजी एका महिलेनं मुंबईतील बोरिवली जीआरपी पोलीस स्टेशनमध्ये तिचं तीन वर्षांचं बाळ बोरिवली स्टेशनमधून बेपत्ता झाल्याची तक्रार दाखल केली होती. पोलिसांनी गुन्हा दाखल करून पुढील तपास सुरू केला.

अनेक सीसीटीव्ही फुटेज तपासल्यानंतर दादर स्थानकावर लावलेल्या सीसीटीव्हीमध्ये आरोपी महिला हरवलेल्या मुलासोबत दिसली. त्यानंतर पोलिसांनी कारवाई करत आरोपी महिलेला हरवलेल्या मुलासह दादर स्थानकातून ताब्यात घेतलं. ही घटना सीसीटीव्ही फुटेजमध्ये स्पष्टपणे दिसत आहे, ज्यामध्ये बोरिवली रेल्वे स्टेशनच्या पुलावर अल्पवयीन मुलगी या बेपत्ता मुलाला घेऊन धावताना दिसत आहे. हे दृश्य बालक चोरीचं आहे, ज्यात मुलगी बाळाला चोरून पळून जाताना दिसत आहे.

आरोपी महिला ही दिल्लीची रहिवासी असून तिला दोन मुलंही आहेत. दोन्ही मुलांसह ही महिला 3 दिवसांपूर्वी मुंबईत आली. यानंतर तिने पोलिसांत तक्रार दिलेल्या महिलेसोबत ओळख वाढवली आणि मग संधी मिळताच महिलेच्या तीन वर्षांच्या मुलाला घेऊन पळून गेली. पोलिसांनी दिलेल्या माहितीनुसार, या घटनेत आरोपी महिलेच्या दोन्ही मुलांनीही तिची साथ दिली.