दिव्या सह ठाण्यातील काही भागांचा पाणीपुरवठा गुरुवार ते शुक्रवार पर्यंत 24 तास बंद..
अमित जाधव - संपादक
![](https://bedhadakthanenews.co.in/wp-content/uploads/2024/06/Screenshot_2024-06-25-20-13-20-90_40deb401b9ffe8e1df2f1cc5ba480b12-780x470.jpg)
ठाणे (25) : महाराष्ट्र औद्योगिक विकास महामंडळाच्या पाणी पुरवठा योजनेच्या अंतर्गत बारवी गुरुत्व वाहिनीचे कटाई नाका ते शीळ टाकी येथे तातडीचे दुरुस्तीचे काम हाती घेण्यात येणार आहे. परिणामी, ठाणे महानगरपालिका क्षेत्रातील मुंब्रा, दिवा, कळवा, माजिवडा – मानपाडा व वागळे (काही भागात) परिसरात गुरुवार दि. 27/06/2024 रात्री 12.00 ते शुक्रवार दि. 28/06/2024 रात्री 12.00 वा. पर्यंत एकूण 24 तास पाणी पुरवठा बंद राहील.
सदर शटडाऊन कालावधीत दिवा, मुंब्रा (प्रभाग क्र. 26 व 31 चा काही भाग वगळता) आणि कळवा प्रभाग समिती मधील सर्व भागामध्ये, व वागळे प्रभाग समिती मधील रुपादेवी पाडा, किसननगर नं. 2, नेहरुनगर तसेच मानपाडा प्रभाग समिती अंतर्गत कोलशेत खालचा गाव येथील पाणी पुरवठा 24 तासासाठी पूर्णपणे बंद राहील. पाणी पुरवठा सुरु झाल्यानंतर पुढील 1 ते 2 दिवस कमी दाबाने पाणी पुरवठा होईल याची कृपया नागरीकांनी नोंद घ्यावी .
सदर पाणी कपातीच्या कालावधीत पाणी काटकसरीने वापरुन ठाणे महानगरपालिकेस सहकार्य करावे असे आवाहन नागरिकांना पालिकेच्यावतीने करण्यात आले आहे.