भूशी डॅम वर जातं असाल तर सावधान,धोकादायक स्थळी पर्यटन करणाऱ्या 12 जणांवर गुन्हा दाखल..

लोणावळ्यातील धबधब्यात पाच जण वाहून गेले होते. त्यामुळे प्रशासनाने धबधब्याजवळ जाण्यासाठी बंदी आदेश लागू केले आहेत. हा आदेश झुगारत धोकादायक स्थळी पर्यटन करणाऱ्या 12 जणांवर गुन्हा दाखल करण्यात आला आहे. लोणावळ्यातील सहारा पुलाच्या समोरील डोंगरावर असलेल्या धबधब्याच्या मागील बाजूस डोंगरात फिरत असलेल्या 7 पर्यटकांवर तसेच टायगर पॉईंटवर हुल्लडबाजी करणाऱ्या 5 असे एकूण 12 पर्यटकांवर गुन्हा दाखल झाला आहे.