ठाणे महापालिका निवडणुकीसाठी शुक्रवारी आरक्षण सोडत ,आरक्षण सोडत कार्यक्रम जाहीर…

महापालिका निवडणुकीसाठी शुक्रवारी आरक्षण सोडत

आरक्षण सोडत कार्यक्रम जाहीर

ठाणे: ठाणे महानगरपालिकेच्या सन २०२२ मध्ये होणाऱ्या सार्वत्रिक निवडणूकीसाठी नागरिकांचा मागासवर्ग प्रवर्ग, नागरिकांचा मागासवर्ग प्रवर्ग, (महिला) व सर्वसाधारण महिलांसाठी आरक्षण निश्चित करण्याकरीता सोडत काढणे, तसेच आरक्षणाचे प्रारूप प्रसिध्द करण्यासाठी कार्यक्रम जाहीर करण्यात आला आहे. ठाणे महापालिकेच्या डॉ. काशिनाथ घाणेकर नाट्यगृह येथे शुक्रवार दिनांक २९ जुलै, २०२२ रोजी सकाळी ११.०० वाजता आरक्षण सोडत काढण्यात येणार आहे.

तसेच शनिवार दिनांक ३० जुलै, २०२२ रोजी आरक्षणाचे प्रारुप प्रसिध्द करण्यात येणार आहे. तर शनिवार दिनांक ३० जुलै, २०२२ ते मंगळवार दिनांक ०२ ऑगस्ट, २०२२ ( दुपारी ३.००वा.पर्यंत ) आरक्षणाबाबत हरकती व सूचना सादर करण्याचा कालावधी असून हरकत व सूचना महानगरपालिका आयुक्त यांच्याकडे निवडणूक कार्यालय अथवा संबंधित प्रभाग कार्यालयाचे मुख्यालय येथे सादर कराव्यात.