ठाण्यात ‘सुगी लेक डिस्ट्रिक्ट’चा भव्य व्यावसायिक प्रकल्प उभारणार.
अमित जाधव
ठाणे ता २८ : सुगी ग्रुपने ठाणे पश्चिममध्ये ५२ एकर परिसरात आपला महत्त्वाकांक्षी जलकिनारी व्यावसायिक प्रकल्प ‘सुगी लेक डिस्ट्रिक्ट’ सादर केला आहे. खोपट येथील कॅडबरी जंक्शनजवळ, कोरम मॉलसमोर आणि ईस्टर्न एक्सप्रेस हायवेला लागून असलेला हा प्रकल्प सुगी ग्रुपच्या ठाणे बाजारपेठेतील पदार्पणाचे प्रतीक आहे. या प्रकल्पात लेक आणि सिटीच्या विहंगम दृश्यांसह ग्रेड ए++ दर्जाची व्यावसायिक कार्यालये, रिटेल दुकाने, उत्कृष्ट भोजन व्यवस्था आणि सहा एकरांचा लेकव्ह्यू प्रोमेनेड विकसित करण्यात येणार आहे. या प्रकल्पाची रचना पद्मभूषण पुरस्कार विजेते आर्किटेक्ट हफीज कॉन्ट्रॅक्टर यांनी केली असून, संरचनात्मक सल्लागार म्हणून स्टर्लिंग तसेच समसमीक्षेसाठी स्किडमोर, ओविंग्ज अँड मेरिल यांचे सहकार्य लाभले आहे. पर्यावरणपूरक आणि शाश्वत विकासाला प्राधान्य देत या प्रकल्पाची नोंदणी लीड (LEED) अंतर्गत करण्यात आली आहे. त्यामुळे ठाण्यात आधुनिक, स्मार्ट आणि पर्यावरणदृष्ट्या जबाबदार व्यावसायिक केंद्र उभे राहणार आहे.
या विकासातील पहिले प्रमुख आकर्षण तळमजला अधिक ४५ मजली व्यावसायिक टॉवर असेल. यामध्ये अंदाजे ८०० ते ६,००० चौरस फुटांपर्यंतच्या कार्यालयीन जागा उपलब्ध असतील. ४६ हाय-स्पीड लिफ्ट्स, मोठ्या फ्लोअर प्लेट्स आणि लेक व सिटी व्ह्यू असलेल्या प्रीमियम कार्यालयांमुळे प्रस्थापित कंपन्या, वाढते उद्योग, व्यावसायिक आणि गुंतवणूकदारांसाठी हा प्रकल्प आकर्षणाचे केंद्र ठरणार आहे. रूफटॉप लाउंज, कॅफे, फिटनेस सेंटर, पिकलबॉल कोर्ट, टर्फ आणि विविध वेलनेस सुविधांचाही यात समावेश असेल. सुगी ग्रुपचे संस्थापक व व्यवस्थापकीय भागीदार निशांत देशमुख यांनी सांगितले की, ‘सुगी लेक डिस्ट्रिक्ट’ हा व्यवसाय, जीवनशैली आणि आरोग्य यांचा संगम साधणारा आधुनिक प्रकल्प ठरेल. कॅडबरी जंक्शन आणि महामार्गालगत असलेल्या या प्रकल्पाला विस्तारणारे मेट्रो नेटवर्क, प्रस्तावित ठाणे कोस्टल रोड, विविध द्रुतगती मार्ग आणि इतर महत्त्वाच्या वाहतूक प्रकल्पांची जोड मिळणार आहे. त्यामुळे ठाण्याच्या वाढत्या व्यावसायिक विकासात हा प्रकल्प एक प्रतिष्ठित आणि वैशिष्ट्यपूर्ण नवीन केंद्र म्हणून उदयास येण्याची अपेक्षा आहे.
