कोरोना रुग्णसंख्येत वाढ होत असून चौथ्या लाटेची शक्यता :- उद्धवजी ठाकरे, मुख्यमंत्री..
अमित जाधव-संपादक
कोरोना रुग्णसंख्येत वाढ होत असून चौथ्या लाटेची शक्यता :- उद्धवजी ठाकरे, मुख्यमंत्री
ठाणे :- राज्यात गेल्या महिन्याच्या तुलनेत #कोरोना रुग्णसंख्येत वाढ होत असून चौथ्या लाटेची शक्यता वर्तवण्यात येत आहे. तिला उंबरठ्यावरच रोखायचे असेल आणि राज्यात पुन्हा निर्बंध नको असतील तर नागरिकांनी स्वत:हून मास्क वापरणे, लस घेणे अपरिहार्य आहे, असे मुख्यमंत्री #उद्धवठाकरे यांनी सांगितले.
राज्यात रुग्णांमध्ये #फ्लू सदृश्य लक्षणे आढळल्यास त्यांची तात्काळ #आरटीपीसीआर चाचणी करा, राज्यातील चाचण्यांची संख्या तसेच लसीकरणाचा वेग वाढवा, असे निर्देश मुख्यमंत्री #उद्धवठाकरे यांनी राज्यातील सर्व वरिष्ठ क्षेत्रीय अधिकाऱ्यांसमवेत घेतलेल्या #कोविड ई-आढावा बैठकीत दिले.
लसीकरण सक्तीचे करण्याबाबत तसेच लसीचे दोन डोस घेतलेल्यांना बुस्टर डोस देताना ९ महिन्यांचा कालावधी कमी करण्याबाबत आपण केंद्र शासनाला पत्र पाठवणार असल्याचेही मुख्यमंत्री उद्धवठाकरे यांनी सांगितले.
राज्यातील प्रत्येक जिल्ह्यात कायदा व सुव्यवस्था चोख राहील यादृष्टीने दक्ष राहावे. सागरतटीय जिल्ह्यांमध्ये #चक्रीवादळ ची शक्यता लक्षात घेऊन आवश्यक त्या उपाययोजना करा. विभागीय सीएमओ ने कार्यक्षमतेने स्थानिक प्रश्न सोडवावेत, अशा सूचनाही मुख्यमंत्री उद्धवठाकरे यांनी केल्या.
