छत्रपती संभाजीनगरमध्ये नायलॉनच्या मांजामुळे एका पीएसआयचा गळा कापला गेला आहे. सचिन पारधे हे नेहमीप्रमाणे दुचाकीवरून कामावर निघाले होते. मात्र बीड बायपास परिसरातील सुधाकरनगर येथे अचानक नायलॉनच्या मांजाने त्यांचा गळा कापला अन् रक्ताच्या चिथड्याच उडाल्या. आसपासच्या नागरिकांनी लगेच धाव घेत, त्यांना हॉस्पिटलला नेले. सध्या त्यांची प्रकृती चिंताजनक असल्याचे डॉक्टरांनी सांगितले आहे.
