ठाणे : कल्याण रेल्वे स्थानकातील प्लॅटफॉर्म सोडलेली एक्स्प्रेस पकडण्याच्या प्रयत्नात घसरून पडलेल्या एका प्रवाशाचे प्राण पॉईंटमनच्या सतर्कतेमुळे वाचले आहेत. धावती एक्सप्रेस पकडताना हा प्रवासी घसरून पडला होता. यावेळी प्लॅटफॉर्म आणि रेल्वेमध्ये अडकून तो ओढला जात होता. यावेळी तिथे उपस्थित असलेल्या पॉईंटमन शिवजी सिंग यांनी तत्काळ धाव घेत त्या प्रवाशाला तिथून खेचून बाहेर काढले. तोपर्यंत इतर प्रवाशांनी आरडाओरडा करत चेन ओढल्याने रेल्वेही थांबली होती. ही घटना स्थानकावरील सीसीटीव्हीत कैद झाली आहे. या घटनेत प्रवाशाचे प्राण वाचविणाऱ्या सिंग यांचे वरिष्ठ अधिकाऱ्यांकडून कौतुक केले जात आहे. दरम्यान, गेल्या पाच महिन्यांतील ही पाचवी घटना असल्याचे सांगितले जात आहे.
सदर रेल्वे च्या अधिकाऱ्यांनी पॉईंटमॅन सिघ ने केलेल्या धाडसाचे प्रसंगवधान राखत वाचवलेल्या प्रवस्याला जीवदान देऊन देवदूत ठरले आहे अशा भावना व्यक्त करत सिंग यांचे आभार मानले.
