दिवा प्रभागाचे नवनियुक्त सहायक आयुक्त अक्षय गुडधे यांचा प्रभागात पाहणी दौरा,गणेशउत्सव काळात दातीवली तलावाची होणार लवकरच डागडुजी…

ठाणे, दिवा ता ७ ऑगस्ट : दिवा प्रभाग समितीचे नवनियुक्त सहायक आयुक्त अक्षय गुडधे आपल्या कामाच्या पहिल्याच दिवशी पदभार स्विकारल्यावर एक्शन मोड मध्ये दिसून आले. प्रचंड विस्तार होत असलेल्या दिवा शहरातील नागरी समस्या व येऊ घातलेल्या गणेशउत्सवाच्या पार्श्वभूमीवर आज दुपारी दिवा शहराचा दौरा केल्याचे पहावयास मिळाले.

नवनियुक्त सहायक आयुक्त अक्षय गुडधे दिव्यातील नागरी सुविधा, रस्ते, पाणी समश्या, स्वच्छता व घनकचराचा आढावा घेण्यासाठी दिवा प्रभाग समितीचे दीपक माने (कार्यकारी अभियंता), अविनाश वसावे (उप अभियंता), अदित्य डावखर (कनिष्ठ अभियंता), दीपक गुजराथी, सुरेश वाघीरे (उप अभियंता, पाणी विभाग) व डोंगर परदेशी (स्वच्छता निरीक्षक) यांच्यासह दिव्यातील दातीवली गणेश तलाव येथे उपस्थित होते. प्रसंगी शिवसेनेचे मा. उपमहापौर रमाकांत मढवी, मा. नगरसेवक दीपक जाधव, चरणदास म्हात्रे, निलेश पाटील, शशिकांत पाटील उपस्थित होते.