राज्यात गुन्हेगारी बळावत असून गुन्हेगारांना कायद्याची भिती राहिली नसल्याचे चित्र निर्माण झाले आहे. आता थेट आमदाराच्याच बंगल्यापुढे गोळीबार करण्यात आल्याची घटना घडली. भाजप आमदार किसन कथोरेंच्या बदलापूर येथील बंगल्यापुढे दिवसाढवळ्या गोळीबार करण्यात आला. यामुळे इथे खळबळ उडाली. दोन गटात झालेल्या वादातून हा गोळीबार करण्यात आला. यात अल्ताफ शेख ही व्यक्ती गंभीर जखमी झाली असून तिच्यावर उपचार सुरु आहेत.
