मुंब्र्यात वाहतूक पोलिसाला चाकूचा धाक दाखवून शिवीगाळ करणाऱ्यावर अखेर गुन्हा दाखल…

ठाणे, मुंब्रा ता २५ फेब्रु : मुंब्रा वाहतूक पोलिसांना अर्वाच्च भाषेत शिवीगाळ करून जिवे मारण्याची धमकी देऊन चाकू दाखवून दहशत निर्माण केली होती. रस्त्यावर खुले आम दहशत निर्माण केल्याने रस्त्यावरून पायी जाणारे नागरिक व रिक्षा चालक यांनी सदरची घटना घडत असताना पाहिली होती. परिणामी वाहनांच्या रांगा लागल्याने वाहतुक कोंडी कमी करण्यासाठी व रस्त्यावर बेकायदा पार्किंग केलेल्या वाहनांना टोईंग करण्यासाठी तसेच वाहतुक सुरळीत करत असताना दानिश शेख याने वाहतूक पोलिसासह कर्तव्यास असलेले चार कर्मचारी यांना चाकूचा धाक दाखऊन दानिश व त्याचा साथीदाराने ऐका कर्मचाऱ्यास मारहाण करुन तुम्हाला पाहून घेईल अशी धमकी देऊन पळून गेला होता.

मुंब्रा पोलिसांनी सदर दोन्हीही आरोपीवर मुंब्रा पोलीस ठाणे गु. क्रं- ८१९/२४ भादवि कलम ३५३, ३४१, ३२३, ५०४, ५०६(२), १८६, १८९, १२०(ब), ४२७, ३४ सह शस्त्र अधिनियम कलम ४,२५ सह म पो अधीनियम कलम ३७(१), १३५ अन्वये गुन्हा दाखल करण्यात आला आहे. यापुढे वाहतूक विभागातील कामात अडथळा निर्माण केल्यास तात्काळ कायदेशीर कारवाई करण्यात येईल असे मुंब्रा वाहतूक विभागाचे वपोनि. समाधान चव्हाण यांनी स्पष्ट केले आहे.