साबे रोड, सहयोग भवन सोसायटी मध्ये तळमजल्यापर्यंत पावसाचे पाणी* *शिवसेना उपशहरप्रमुख अँड. आदेश भगत यांनी प्रशासनाच्या सहाय्याने केली तातडीची उपाययोजना..

दिवा शहरात पावसाने धुमाकूळ घातला असून शहराच्या अनेक सखल भागात पाणी भरल्यामुळे रहिवाशांची तारांबळ उडाली आहेत. दिवा पूर्व साबे रोड येथील सखल भागात असलेल्या सहयोग भवन येथील चार इमारतींच्या तळ मजल्याजवळ पावसाचे पाणी मोठ्या प्रमाणात भरले होते, यावेळी शिवसेना उपशहरप्रमुख अँड आदेश भगत यांच्याशी स्थानिकांनी संपर्क केला व तातडीने उपाययोजना करण्याची विनंती केली असता शिवसेना शहरप्रमुख रमाकांत मढवी यांच्या सूचनेनुसार ताबडतोब अपातकालीन विभाग, अग्निशामक दल व महापालिका अधिकाऱ्यांशी संपर्क साधून अँड आदेश भगत यांनी परिसराला भेट दिली. संपूर्ण परिसराची प्रत्यक्ष पाण्यात उतरून पाहणी केल्यानंतर पाण्याचा त्वरित निचरा करण्यासाठी तातडीने पंपाची व्यवस्था अँड आदेश भगत यांनी केल्याचे स्थानिकांनी सांगितले. यावेळी रहिवाशांनी अँड आदेश भगत यांचे आभार मानले.

0 2 0 9 7 4