ठाणे जिल्हयासाठी शिधापत्रिकेवरील,शिधा अन्न धान्याचे दर जाहीर..या व्यतिरिक्त जादा दर दुकानदार देऊ नये.. ठाणे उप नियंत्रक प्रशांत काळे

ठाणे, दि.15 (प्रतिनिधि)* :- मुंबई-ठाणे शिधावाटप क्षेत्रात सार्वजनिक वितरण व्यवस्थेंतर्गत माहे सप्टेंबर, 2023 साठी कौटुंबिक शिधापत्रिकेवर देय असलेल्या नियंत्रित शिधाजिन्नसांचे परिमाण व दर जाहीर झाले आहेत. ते पुढीलप्रमाणे आहेत.

राष्ट्रीय अन्नसुरक्षा योजनेंतर्गत प्राधान्य कुटुंबासाठीचे दर तांदूळ मोफत दराने प्रति व्यक्ती 3 किलो, गहू प्रति व्यक्ती 2 किलो असे आहेत. अंत्योदय अन्न योजना – तांदूळ मोफत दराने प्रती शिधापत्रिका 20 किलो, गहू मोफत दराने प्रति शिधापत्रिका 15 किलो व रु. 20/- दराने‍ प्रति शिधापत्रिका 1 किलो साखर (सुलभ पॅकिंगसह) असे आहेत.
अंत्योदय अन्न योजना व प्राधान्य कुटुंब लाभार्थी गौरी-गणपती सणानिमित्त आनंदाचा शिधा संच (रवा, चणाडाळ, साखर, प्रत्येकी 1 किलो व 1 लिटर पामतेल या चार शिधाजिन्नसाचा संच) रु.100/- प्रति शिधापत्रिका 1 संच असे आहे.
बिगर गॅसधारक शिधापत्रिकाधारकांना केरोसीनचे दर ठाणे विभाग (दि. 01 सप्टेंबर 2023) नुसार (36/फ) रु. 73.48/-, ठाणे (41/फ) रु.73.48/-, मुंब्रा (48/फ) रु.73.48/-, वाशी (41/फ)रु.73.48/-, भाईंदर (41/फ ) रु.73.48/-, कल्याण (38/फ) रु.73.66/-, डोंबिवली(मुख्य) (39/फ ) रु. 73.66/-, डोंबिवली (उप) (39/फ) – 73.66, उल्हासनगर (मुख्य) (40/फ ) रु. 73.74/-, उल्हासनगर (उप) (40/फ) 73.74), (अंबरनाथ) (46/फ) रु. 73.74/-, (बदलापूर) (46/फ) रु. 73.74/-, भिवंडी (37/फ) रु. 73.57/- प्रति लिटर या प्रमाणे असून 1 व्यक्ती 2 लिटर, 2 व्यक्ती 3 लिटर व 3 व्यक्ती व वरील 4 लिटर वाटप करण्यात येईल, असे शिधावाटप फ परिमंडळ ठाणे उपनियंत्रक श्री. प्रशांत काळे यांनी कळविले आहे.