शिकारीसाठी बंदूका बनवून विकणाऱ्या दोघांना ठाणे पोलिसांकडून अटक….
अमित जाधव-जाधव
*⭕️शिकारीसाठी बंदूका बनवून विकणाऱ्या दोघांना ठाणे पोलिसांकडून अटक.*
ठाणे, ता 17 फेब्रु ( संतोष पडवळ) :- कासारवडवली पोलिसांनी बंदूका बनवून विक्री करणाऱ्या दोन आरोपींना मोठ्या शिताफिने अटक केली असून , हे दोघेजण बंदूका बनवून विक्री करत होते, ह्याच्या कडून 10 बंदूका व जिवंत काडतूस जप्त करण्यात आली असल्याची माहिती पोलीस उपायुक्त डॉ.विनयकुमार राठोड यांनी आज दिली.
दिनांक 15/2/2022 रोजी कासारवडवली पोलीस स्टेशनचे वरिष्ठ पोलीस निरीक्षक राजेश बाबशेट्टी यांना गुप्त बातमीदारामार्फत माहिती मिळाली एक इसम बंदूक विकण्यासाठी प्रकाश भोईर यांच्या घोडबंदर गायमुख साईमंदिरा जवळील प्लॉट वर येणार आहे त्या प्रमाणे पोलीस उपायुक्त डॉ.विनयकुमार राठोड, सहाय्यक पोलीस आयुक्त निलेश सोनवणे यांच्या मार्गदर्शनाखाली त्यांनी गुन्हे प्रकटीकरण पथकातील पोलीस निरीक्षक सचिन सरडे व पथकाला सूचना दिल्या त्या प्रमाणे पोलिसांनी सापळा रचून बंदूक विकण्यासाठी आलेल्या दयानंद सुदाम भडांगे उर्फ नवश्या वय 42 वर्ष याला ताब्यात घेतले, पालघर जिल्ह्यातील वसई पोमन बागपाडा येथे राहणाऱ्या या इसमाच्या ताब्यातून लांब नळकांड असलेल्या लोखंडी बनावटीच्या सिंगल बोअरच्या 2 बंदूका व 4 जिवंत काडतूस जप्त केली, त्याच्या जवळ बंदूक ठेवण्याचा कोणताही परवाना नसल्याचे दिसून आले या बाबत कासारवडवली पोलीस स्टेशन मध्ये गुन्हा दखल करण्यात आला व दयानंद सुदाम भडांगे याला अटक करण्यात आली, त्याच्या कडे सखोल चौकशी केल्या नंतर तो व त्याचा साथीदार चंद्रदेव वसंतलाल सरोज वय 41 याच्या मदतीने या बंदूका बनवून विकत असल्याची माहिती मिळाली मूळचा उत्तरप्रदेश येथे राहणाऱ्या चंद्रदेव सरोज याचा लेथ मशीन चालवण्याचा धंदा आहे व तो सद्या राहण्यास वसई वालीव गाव येथील गौरीकुंज अपार्टमेंट येथे आहे पोलिसांनी त्याला सुद्धा अटक केली, अटक आरोपी दयानंद सुदाम भडांगे याच्या घरझडती मध्ये लांबनळ्याच्या आठ बंदूका अशा एकूण दहा बंदूका,11 जिवंत काडतूसे, ड्रिल मशीन, ग्रॅण्डर मशीन, लोखंडी कोयता,, एक लोखंडी पट्टी,4 इंचाच्या 4 क्लिपा व इतर साहित्य मिळून एकूण 52,000/- रुपये किंमतीचा माल हस्तगत करण्यात आला.
या बंदूका फक्त शिकारी साठी वापरल्या जातात, ह्या बंदूका त्यांनी शिकाऱ्यांना विकण्यासाठी बनविल्या असतील तर ते शिकारी कोण? याचा तपास पोलीस उप निरीक्षक सचिन सरडे हे करत आहेत.
