दिव्यामध्ये समाजसेवेचा वसा हाती घेत प्रथमच सुमिता मेकअप क्लासेस माफक दरात मुलामुलींसाठी घेऊन येत आहे उत्कृष्ट करिअरच्या सुवर्ण संधी……

ठाणे – दिव्यात दिवसे दिवस वाढती लोकसंख्या पाहता अनेक युवा वर्ग शिक्षित असून अद्याप पर्यंत त्यांना करिअर निवडण्यासाठी तारेवरची कसरत करावी लागते.

सौंदर्य आणि प्रसाधन क्षेत्रातील स्कीन, हेअरड्रेसिंग, ब्युटी, अ‍ॅडव्हान्स ब्युटी ट्रीटमेंटस् आदी गोष्टी आपण पाहिल्या. त्यापलीकडेही या क्षेत्राचा बराच मोठा विस्तार आहे. त्यातीलच महत्त्वाचे म्हणजे ब्रायडल मेकअप. अर्थात वधूचे केशभूषा, वेशभूषा आणि रंगभूषा.
लग्नामध्ये सर्वाचे लक्ष असते ते वधूकडे. ती कशी तयार झाली आहे, कशी साडी नेसली आहे, दागिने कोणते, केशरचना कशी या साऱ्याकडे आमंत्रितांचे लक्ष असते. त्यामुळे प्रत्येकीला आपल्या लग्नात सुंदर दिसायचे असते. यासाठीच मदतीला येतात ब्रायडल मेकअप करणारे कलाकार. ब्रायडल मेकअप असे जरी म्हटले असले तरी यात केशरचना, साडी नेसवणे, सजवणे असे सर्वच येते. वरवर दिसायला जरी हे सोपे वाटले तरी हे सोपे नाही. वधूला विवाह सोहळ्यातील प्रत्येक विधीनुरूप तयार करणे, तेही अगदी थोडक्या वेळात ही ब्रायडलची मुख्य गरज असते. त्यामुळेच ब्रायडल करणाऱ्या व्यावसायिकांना काही गोष्टींचे ज्ञान असावेच लागते हेच काम सुमीता मेकअप क्लासेस मधून आपण अक्मसात करणार आहोत.
रंगसंगतीची उत्तम जाण हवी. मेकअप ही काही नुसती रंगरंगोटी नाही. वधूचा मेकअप हा तिचा पोषाख, स्टेज, वराचा पोषाख या सगळ्याला अनुसरून करावा लागतो. तो भडक होऊनही चालत नाही आणि फिका पडूनही चालत नाही. हेअरस्टायलिंग अर्थात केशभूषेचे आणि रचनेचेही उत्तम ज्ञान असावे लागते. नुसतेच केसांचा अंबाडा घातला त्यावर एखादे सजावटीचे फूल वगैरे चिकटवून दिले असे होत नाही. चेहऱ्याची ठेवण, उंची या गोष्टी लक्षात घेऊन केशभूषा निवडायला हवी. शिवाय त्याच्या सजावटीकरता लागणारी उपकरणे वापरण्याचे योग्य ज्ञानही आवश्यक आहे. ब्रायडल मेकअप करणाऱ्या व्यावसायिकाला एकाच व्यक्तीला निरनिराळ्या ढंगात सजवण्याचे कौशल्य असावे लागते. कारण वधू नेमकी कोणत्या कार्यक्रमासाठी तयार होणार आहे, त्यानुसार तिचे दिसणे, सजणे ठरते. म्हणजे हल्ली लग्नात हळद, संगीत, प्रत्यक्ष लग्नविधी, कॉकटेल पार्टी, स्वागत समारंभ असे अनेक कार्यक्रम असतात.

प्रत्येक कार्यक्रमानुसार वधूची केशभूषा, वेशभूषा आणि रंगभूषा बदलते. तसेच स्टेज कसे आहे, त्यावर कशा प्रमाणात लाइट आहे, फोटोग्राफी कशा प्रकारे होणार आहे, त्यावेळी कशा प्रकारे मेकअप हवा, अशा सगळ्या गोष्टींचे ज्ञान असावे लागते. प्रत्येक जातीधर्माच्या वधूंचा पोषाख वेगळा असतो. त्यांच्या पारंपरिक पद्धतींची योग्य माहिती ब्रायडल करणाऱ्या व्यावसायिकाला असायलाच हवी. साडी नेसवण्याचे ज्ञान असावे. त्याचप्रमाणे हल्ली अनेक नववधू लग्नानंतरच्या स्वागत समारंभासाठी पाश्चिमात्य पोषाख निवडतात. हे पोषाख त्यांच्या डौलात वधूला नेसवून देणे, हे ब्रायडल करणाऱ्याचे काम असते. हल्ली वधूबरोबरच वराच्याही रंगभूषेला आणि वेशभूषेला महत्त्व आलेले आहे. त्यामुळे तुम्ही तेही करू शकता. त्याचे वेगळे पैसेही मिळतात. परंतु यासाठी पुरुषांची केशरचना, रंगभूषा याचे ज्ञान असावे लागते. ब्रायडल ही सध्या एक मोठी इंडस्ट्री म्हणून नावारूपाला येत आहे. यामध्ये प्रचंड प्रमाणात पैसाही आहे असे सूमिता मेकअप क्लासेस च्या सर्वसर्वी सूमिता शिंदे यांनी सांगितलं आहे अलीकडेच त्यांना सिने अभिनेत्री सारा आली खान यांच्या हस्ते बेस्ट मेकअप आर्टिस्ट म्हणून सन्मानित करण्यात आले आहे